Vəsaitlərin idarəedilməsi

Aktivlərinizi uğurlu biznes karyerası nəticəsində və ya varislik yolu ilə əldə etməyinizdən asılı olmayaraq, onların düzgün idarəedilməsi sərvətlərin qorunması üçün vacib şərtdir. PAŞA Private Banking-in təklif etdiyi sərvətlərin idarəedilməsi xidməti mütəmadi müzakirələr və davamlı dəstəyi nəzərdə tutur. Məqsədimiz Sizin aktivlərinizin gələcək nəsillər üçün qorunması və artırılmasıdır.

Bu xidmət müştərilərimizi investisiya portfellərinin gündəlik idarəedilməsi ilə bağlı qayğılardan azad edir. Bizim peşəkar əməkdaşlarımız müştərinin razı olduğu risk-gəlir profilinə əsaslanan qərarları onun adından qəbul edir və aktivlərin cari vəziyyəti ilə bağlı hesabatları ona təqdim edirlər. Mütəxəssislərimizin peşəkarlıq səviyyəsi əmanətlərinizin doğru əllərdə olduğuna əminlik yaradacaq.

Aktivləriniz xarici ölkələrdə olduğu halda və ya beynəlxalq pul köçürmələri etdikdə xeyli mürəkkəb vergi məsələləri ilə rastlaşa bilərsiniz. Məhz buna görə vergiləri ən optimal yolla ödəmələrini təmin etmək məqsədilə müştərilərimizə vergilərin planlaşdırılması xidmətini təklif edirik.

Biz hər zaman müştərilərimizə xarici ölkələrdə investisiya etdikdən öncə həmin ölkələrə xas iqtisadi məqamlarla yanaşı, oradakı vergi növləri haqqında məlumat veririk. Bu, müştərilərimizin investisiya qərarlarını daha əmin və düşünülmüş edir.